Meetha Dard | Hindi Love Shayari

1. Meetha Dard:

Maana ke kadwa sach dard le aaye
Lekin phir bhi meetha kehlaaye

Ek tarfa pyaar karnewalon ka hota hai yahi anjaam
Kisi ka ho jaana hai maqsad, duniya se hai kya kaam

Sab ke andar, bas ek wohi hai samaaya
Jiski aankhon mein dekha, wohi nazar aaya

Sansaarik roop to humne, na dekha, na jaana
Dil ki nazar se jisne dekha, ussi ne pehchaana

Ab uss din ka intezaar, jab donon roop ek ho jayein
Ek duuje ko jaanein, ek duuje mein samaayein

2. Ab aayega mazaa, phir hasne-hasaane ke din aa gaye
Hasi-hasi mein pyaar-mohabbat ke aalam chaa gaye

Ab ke nikalne na denge iss bandhan se kabhi
Meri aankhon mein, dhadkan mein wo samaa gaye

Kachhe dhaagon se khinche chale aayenge sarkaar
Ek naazuk dor ke pakke bandhan mein basaa gaye

Bandhan mein hain phir bhi aazaad hain
Bin darwaaze ke pinjre mein unko bithaa gaye

Jo khud hain tasveer zamaane ki nazron mein
Apni tasveer mere dil ke aaine mein banaa gaye

Nashaa karnewalo, tumhein apna nashaa mubarak
Ab mujhe kya khabar, apni aankhon se wo pilaa gaye





Author: Tapan Ghosh
Film maker, writer, thinker, rolled into one The creative me is a lot of fun. What you see here are my expressions true I hope they strike a chord within you.

1 Comment

Leave a Reply