Sab Kuch Badal Gaya | Hindi Love Shayari | Love Poem in Hindi

Sab kuch badal gaya, rishta bhi khatm ho gaya
Jo tha hamaare beech, wo bhasm ho gaya

Din raat rishta nibhaaya, dil ne kuch kar dikhaaya
Khushiyaan tumpe vaari, gham ko gale lagaaya

Ab hum hain, siwaai tanhaai kaun hai hamaara
Chehra hai nigaahon mein, yaadon ka hai sahaara

Raha na koi thikaana, rahi na koi bandish
Na koi ummeed hai, rahi na koi khwaahish

Har rishte se azaad, har bandhan se begaana
Har chehre mein tum ho, bas itna mera fasaana

Koi cheez bani-banaai nahin milti, kaabil banaana padta hai
Mehendi ko rang laaney ke liye, patthar pe pis jaana padta hai

Behtar yahi ke chehra dil ki asliyat se begaana rahe
Dil mein laakh toofaan sahi, honthon ko muskuraana padta hai

Rishtaa baanaana aasaan hai, rishtaa tordna mushqil
Na chaahte hue bhi aksar, rishtaa nibhaana padta hai

Wo yaad kya jo baney fariyaad,
Yaad karnewaale ko karey barbaad

Duniya mein zinda rehne ke liye,
Bahaut kuch bhulaana padta hai





Author: Tapan Ghosh
Film maker, writer, thinker, rolled into one The creative me is a lot of fun. What you see here are my expressions true I hope they strike a chord within you.

Leave a Reply